CIET 2025: CAI Interbudmontazh GmbH Türkmenistanyň suw infrastrukturasyny berkitýär — Garagum kanalynan mikrotunnellere çenli

Türkmenistanyň gurluşyk, senagat, himiýa we energetika pudaklaryny ösdürmäge bagyşlanan halkara maslahatda (CIET 2025) CAI Interbudmontazh GmbH kompaniýasynyň baş direktory Wladimir Petruk ukrain potratçysy tarapyndan Türkmenistanda durmuşa geçirilen suw hojalyk taslamalarynyň toplumyny hödürledi. Suw üpjünçiligi we lagym infrastrukturasyny döwrebaplaşdyrmaga, şol sanda strategiki ähmiýetli Garagum kanalyndaky işlere aýratyn üns berildi. Häzirki wagtda CAI Interbudmontazh GmbH dünýäde iň uly emeli suw ýollarynyň biri bolan Garagum kanalynda düzgünleşdiriji desgany gurýar.

«Şol bir wagtyň özünde biz Garagum kanalyny täzeden gurmak we onuň ugrunda gidrotehniki desgalary gurmak boýunça konseptual çözgüdi taýýarlaýarys», — diýip belledi Wladimir Petruk.

Rubicon (Awstraliýa) bilen hyzmatdaşlykda suwuň sanly hasaby

Suw serişdelerini dolandyrmak babatda dünýäde öňdebaryjy bolan Awstraliýanyň Rubicon kompaniýasy bilen hyzmatdaşlykda CAI Interbudmontazh GmbH suwuň sarp edilişine gözegçilik etmek we hasaba almak üçin awtomatlaşdyrylan ulgamlary ornaşdyrýar. Bu tehnologiýa aşakdakylary üpjün edýär:
– suwuň giriş-çykyşyny hakyky wagt tertibinde gözegçilikde saklamak;
– suw serişdeleriniň paýlanyşyny optimizirlemek;
– süzgüçlenme, bugarmak we beýleki tebigy faktorlar sebäpli ýüze çykýan ýitgileri azaltmak.

«Bu hyzmatdaşlyk suw serişdelerine ygtybarly elýeterliligi üpjün etmek arkaly Türkmenistanyň oba hojalyk pudagy üçin täze mümkinçilikleri açýar», — diýip çykyş eden belledi.

Mikrotunneller — şäher kommunal ulgamlarynyň geljegi

Kompaniýa Türkmenistanyň şäherlerinde lagym we inženerçilik ulgamlaryny gurmak üçin mikrotunnel tehnologiýasyny ornaşdyrmagy teklip edýär. Bu usul:
– şäher landşaftyna minimal täsir ýetirýär;
– ýollaryň ýapylmagyny talap etmeýär;
– ekologiýa howpsuzlygyny ýokarlandyrýar.

CAI Interbudmontazh GmbH Türkmenistanda WTP-300 we WTP-50 arassalaýyş desgalaryny öz içine alýan lagym suwlaryny arassalamak boýunça üstünlikli tejribä eýedir. Bu desgalar şäher infrastrukturasynyň aýrylmaz bölegi bolup, olar:
– kommunal ulgamlaryň durnukly işlemegini;
– lagym suwlaryny arassalamak we olary şäher hem-de oba hojalyk zerurlyklary üçin gaýtadan ulanmak boýunça ýapyk aýlawly ulgamy üpjün edip, ekologiýa durnuklylygyny ýokarlandyrýar.

Kompaniýa Türkmenistanyň suw pudagyny ösdürmäge serişdeleri we tejribäni maýa goýmäge taýýardygyny tassyklady, bu bolsa ýaşaýyş derejesini ýokarlandyrmaga we şäher infrastrukturasynyň durnukly ösüşine goşant goşýar.